Katersugaasivissuarmi umiaq pillugu saqqummersitsineq
Immikkut ittumik saqqummersitsineq taaguuteqartinneqarpoq - umiaq - piniartut angalattaat - assartuut, ataatsimoorneq naggueqatigiit inuit angallataat umiamik qalilik arnanit anguarteqarajuttarpoq taamaatumillu qallunaat konebådimik taaguuteqartippaat.
Qallunaat 1900-ikuni Kalaallit Nunaanni angalasut umiamik takugaangamik umiaq takusartagaat arnanik anguarteqarajuttarpoq, umiaq meeqqanik qimminik tupernik atortunillu allanik ulakkaaveqassarpoq.
Saqqummersitsivimmi takuneqarsinnaavoq umiaq 9 meterisut takitigisoq taanna Københavnemi atuarfimmi Kofoed Skolemi ilinniartunit kalaallinit sananeqarpoq. Atuarfimmi tassani kalaallit inuuniarnermikkut ajornartorsiuteqartut ingerlariaqqinnissaannut ikiorneqartarput.
Saqqummersitsivimmi umiap sananeqarneranut atortut assigiinngitsut takuneqarsinnaassapput
Saqqummersitsineq apriilip ulluisa 21-anni ammarneqassaaq, oktobarillu ulluisa 30-ata tungaanut takuniarneqarsinnaalluni.
Katersugaasivissuaq Nationalmuseet - Danmarkimi kulturikkut oqaluttuarisaaneq pillugu katersugaasiviit anginersaraat, taanna Danmarkimi tamarmi immikkoortortaqarpoq. Katersugaasivissuarmut iserneq akeqanngilaq.