Neriuffiup nuna tamakkerlugu katersuiniaasitsinera qaammatit marluk qaangiutereersorlu aningaasat katersorneqarsimasut amerlassusaat saqqummiunneqalerput. Neriuffiup allaffeqarfiani Nanortalimmiittumit nalunaarutigineqarpoq katersilluarnerpaat 400.000 kr.-t angullugit katersaqarsimasut.
Illumit illumut katersiiniaasitsineq septemberip tallimaani naammassigaluartoq oqarasuaatikkut nalunaarluni oktoberip aallartisimanera tikillugu tapiisoqarsinnaasimavoq. Oqarasuaatikkut nalunaarluni tapiisimanernut allagartat uppernarsaatit tapiisut takoqqaartariaqarmatigik qaammat ataaseq katersat amerlassusiviisa saqqummiunnissaat utaqqisariaqartoq allaffeqarfiup nalunaarutigaa.