Karrat kangerluani malik siuleqanngitsumik portusoq

Karrat Kangerluani qaammatip siuliani nuna sisoormat malerujussuit pilersinneqarput, illullu aseruatitingaatsiarput, aatsaallu taama malliortiginera takuneqarluni.

Mallit 90 meterisut portutigipput. Immikkut ilisimatusarsimasut amerikamiut Atlantami Georgia Techimeersut misissuinerminni kisitsisaataasa tamanna takutippaa. Nunammi sisoornera taakku misissorsimavaat. DR.dk taama allaaserisaqarpoq.

Mallilli nunap sisooqqammernerata kingorna taamaallaat taama portutigisut, Hermann Fritzip, Georgia Techimeersup, oqaatigaa. Nuna sisoormat taama portutigipput, piffissalli sivikitsuinnaap ingerlanerani milliartorsimallutik.

- Immami taama ititigisumi tassaarsuaqaraangat mallit sukkasoorujussuarmik siaruaakkiartortarput, arsaattarfittut angitigisukkut sekundip ataatsip ingerlanerinnaani ingerlaartarlutik. Tassaarsuullu Nuugaatsiamut 30 kilometerinik ungasitsigisumut minutsit tallimat ingerlaneranni apuussimanissaat ilimagaarput. Tassa qisuariarnissamut piffissakitsuaraasimapput, Hermann Fritz oqarpoq.

Mallit oqaluttuarisaanermi annerit ilaanniissimanissaat ilisimatuunit ilimagineqarpoq. Assersuutigalugumi Japanimi nuna 2011-mi sajummat mallit 40 meterisut portutigipput.

AAMMA ATUARUK Nuugaatsiap tassaarsuarmit eqqugaanera takuuk

AAMMA ATUARUK Nukannguup Nuugaatsiami tassaarsuaq imaaniit isiginnaarpaa

AAMMA ATUARUK Qaqqap sisoornera tassaarsuaqartitsisoq

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!