VIDEO KANUKOKAp angallannermut kiffartuussinissamut isumaqatigiissut tunuarteqquniarpaa

Aningaasaqarnermut ataatsimiititaliat Angallannermut kiffartuussinissamut isumaqatigiissutit tunuarteqquniarpaat. Innuttaasut, suliffeqarfiit, inuussutissarsiortullu annertoorujussuarmik nalornissuteqarput, KANUKOKAp siulittaasua Simon Simonsen oqarpoq.
Allattoq Kenneth Elkjær
oktobarip 13-at 2016 16:57

Isumaqatigiissutit nutaat qanoq isumaqarnissaannut, Naalakkersuisup suliffeqarfimmiullu isumaqatigiissuteqarfigineqartup paasissutissanik assigiinngitsunik oqariartuutigeqattaarpaat. Tamannalu naammaginanngilaq.

- Nalornisitsinerujussuarmik taanna pilersitsivoq, Simon Simonsen KNR-imut oqarpoq.

Simon Simonsenip pingasunngornermi Qanoruumit apersorneqarnermi naammagittaalliornini oqaatigaa, isumaqatigiissutinilli nutaanik qularuteqartuni kisimiinngilaq. Qeqertarsuup tunuani angassinermik kiffartuussinerit iluarineqanngereerput.

Anguteeraq Heilmann Qeqertarsuarmi najugaqarpoq, angalanermilu kinguaattoornerit taamaatitsiinnarnerillu assigiinngitsut oqaluttuarisinnaavai.

Qanoruumit ilanngutassiaq tamaat takujuk. Ilanngutassiaq qulaani takusinnaavat angallannermut naalakkersuisup isornartorsiuineq akissuseraa.

 

kritikken.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq