KANUKOKA-p inuusuttut qinerseqataanissaannik kaammattorai

KANUKOKA-p siulittaasuata, Simon Simonsenip, inuusuttut kommuninut qinerseqataanissaannik qinersisoqalernerani kaammattorpai.
Allattoq Ivik Kristiansen
apriilip 03-at 2017 06:49
Nutserisoq Ivik Kristiansen

Inuusuttuni amerlanerussuteqartut marlunngorpat qinersiartunngitsoornissaat kommunit kattuffiata siulittaasuata aarleqqutigaa.

Taamaammat Simon Simonsen ingammik inuusuttunut aprilip ulluisa sisamaanni qinersiartornissamik kaammattuuteqarpoq.

- Inuusuttut-aa, nunarput siuarsaqataaffigerusukkussiuk taasisinnaatitaanersi atorluarniarsiuk, imminuinnaq eqqarsaatiginasi aammali kinguaassasi eqqarsaatigalugit, Simon Simonsen tusagassiuutinut allappoq.

Tassalu aqagu kommuninut qinersisoqassaaq.

Partiit siulittaasuinik naggataasumik unnugu apeqqarissaartoqassaaq.

Kalaallisut 19.30 apeqqarissaartoqassaaq, qallunaatullu 20.50 apeqqarissaartoqassalluni, taakkulu KNR-TV-kkut radiokkullu malinnaavigineqarsinnaapput.