KANUKOKA immikkut ittumik ataatsimeersuartitsissaaq

Immikkut ittumik ataatsimmiinnermi peqataasut 15-iusut, siulittaasumik nutaamik qinersissapput aamma siulersuisuni ilasortat arlallit taarserneqassallutik.

Eqqartugassanut aamma ilaavoq, KANUKOKA-p siunissaa. KANUKOKA-p siulittaasuanik nutaamik qinersinissamut pissutaavoq, Kommuneqarfik Sermersuup ukioq manna naatinnagu ilaasortaajunnaanissaminnik ilimasaaruteqareersullu.

Maanna kattuffimmi siulittaasuusoq, Martha Abelsen Kommuneqarfik Sermersuumilu kommunalbestyrelsemut ilaasortaasoq, kommunini allani ilaasortaasumit taarserneqassaaq.

Immikkut ittumik ataatsimmeersuarnermi eqqartugassanut pingaaruteqartunut ilaavoq, ukioq manna marloriarluni ataatsimiinnerni KANUKOKA-p siunissaata eqqartorneqarnissaa.

Kommunit kattuffiata ilaasortaasa ataatsimiinnissaat siulleq pissalluni aasaru juunimi aamma qaammammi oktobarimi immikkut ittumik ataatsimeersuartitsisoqassalluni, tassanilu eqqartorneqassaaq KANUKOKA-p 2016-imutn malittarisassai aamma qanoq ittumik kattuffik iluseqartinneqassanersoq eqqartorneqassallutik.

KANUKOKA-p siulersuisuini ilaasortat piffissami kingullermi taarsersorneqarput. Ilaasortat marluk Inatsisartunut ilaasortaalerput ataaserlu kommunalberstyrelsemiit sulinngiffeqarnissaminik kissaateqarnermi kingorna ilaasortaajunnaarluni. Tassalu taakku malittarisassat malillugit ataatsimeersuarnermi taarserneqartussat.

.