VIDEO Kangilinnguit pillugit Aleqa isornartorsiorneqarpoq

Aleqa Hammondili Naalakkersuisunut siulittaasuugallaramili tamanna sulissutigisimasariaqaraluaraa arlalinnit maannakkut uparuarneqarpoq.

Aleqa Hammond 2013-mi Naalakkersuisunut siulittaasuugallaramili Kangilinnguit pillugu qisuariarsimasariaqaraluartoq, Kommuneqarfik Sermersuumi kommunalbestyrelsimi ilaasortaq isumaqarpoq:

- Namminersorlutik oqartussanit allagarsivugut matuneqalersoq taamanikkut Aleqa Hammond Naalakkersuisut siulittaasuattut inissisimavoq. Uggoriinnassavara taamanikkut Naalakkersuisut siulittaasutut suliarisimannginnamiuk, Kommuneqarfik Sermersuumi kommunalbestyrelsemut ilaasortaq, Mille Søvndahl Pedersen (IA) KNR-imut oqarpoq.

Aamma atuaruk Kangilinnguit isaterneqarnissaa Hammondip unitsikkusuppaa

Parteeqataanit isornartorsiorneqarpoq

Aleqa Hammondillu sulissutiginnilernera parteeqataanit aamma isornartorsiorneqarpoq:

- Ajoraluartumik aalajangereernikuuvusi Kangilinnguit piiarneqarnissaannik maannakkulli illutai piiarneqalermata aatsaat akerliuneq pissusissamisoortut isiginngilara, Doris Jakobsen Facebookimi allappoq.

Naalakkersuisut siulittaasorisimasaata maanna Folketingimi ilaasortaasup Kangilinnguit ataannarnissaat pillugu illersornissamut ministerimut aggustip 18-ani apeqquteqarpoq

- Inuttaasunut inuiaqatigiinnut kalaallinut atoqqitassanngorlugu tunniussinnaannginneraat taannalu pillugu illersornissamut naalakkersuiusumut apeqquteqaateqarpunga, Aleqa Hammond oqarpoq.

Aamma atuaruk Kangilinnguit isatertussanngoraat

Aleqa Hammondip parteeqatai ilungersorsimagaluarput.

- Aleqa, eqqaamaviuk Naalakersuisut siuliisa Naalagaaffiullu ataatsimoorlutik Kangilinnuit pillugu aalajangernerat? Taamanikkut piffissaagallartillugu Kim-ilu ilungersoraluarpugut illutaasa piiarneqannginnissaanik, Doris Jakobsen Facebookkimi allappoq.

- Periarfissaqarsimagaluarpoq iliuuseqarsinnaalluni oqarluni hej arlaatigut atortariqarparput! Mille Søvndahl Pedersen oqarpoq.

Aamma atuaruk Kangilinnguit periarfissanik ulikkaaraluarpoq