Kangilinnguani saliisoqarnissaa Løkkep neriorsuutigaa
Danskit ministeriunerat Lars Løkke Rasmussen Folketingimi marlunngornermi akunnermi apeqqarissaarfiusumi Inuit Ataqatigiinneersup Aaja Chemnitz Larsenip apeqqutaanut taama akissuteqarpoq.
Kangilinnguit sakkutuunit atugassatut ammaqqinneqartussanngornera Nunatsinnut pitsaasutut oqaatigaa, aammali nassuerutigaa sakkutooqarfiusimasumi avatangiisinik mingutsitsisoqarsimanera pillugu aaqqitassaqartoq.
- Kangilinnguani sakkutooqarfiusimasup siunertamut atorunnaarnissaanik aalajangiiffigineqarneratigut ilaannakortumik saliisoqarnissaa eqqumaffigilluinnarparput.
- Tamannalu danskit naalakkersuisuisa aamma siunertaraat, Lars Løkke Rasmussen oqarpoq, Nunatsinnilu oqartussat oqaloqatigalugit saliisoqassasoq aamma neriorsuutigalugu.
Sakkutooqarfiusimasoq ammaqqinneqaraluarpalluunniit Danmark saliisariaqartoq avatangiisinut naalakkersuisumit Suka K. Frederiksenimit siornatigut erseqqissaatigineqarpoq.
AAMMA ATUARUK Danmark skal stadig rydde op
Aaja Chemnitz Larsenip ministeriunermut aamma apeqqutigaa, danskit aviisini allaaserisat aallaavigalugit, Kangilinnguit kinamiunit pisiarineqarnissaata pinngitsoortinnissaa ministeriunerup akuuffigisimaneraa. Ministeriunerulli tamanna akissuteqarfigerusunngilaa:
- Taamatut apeqquteqarninnut aviisit arlaanni allaaserisaq aallaavigigit paasisinnaavara, tamannalu tunngaviginiarneqarsinnaanngilaq, ministeriuneq oqarpoq, Kangilinnguanilu sakkutooqarfiusimasup ammaqqinnissaanik aalajangerneq pillugu apeqqutinut tunngatillugu danskit illersornissamut ministeriunerat innersuussutigalugu.
AAMMA ATUARUK Kangilinnguanik ammaaqqinnissaq Namminersorlutik Oqartussanit ilisimaneqareersoq
AAMMA ATUARUK Grønnedal koster minimum 25 mio. kr. om året
AAMMA ATUARUK Kangilinnguanik ammaaqqinnissaq Namminersorlutik Oqartussanit ilisimaneqareersoq
