Politikki Inuussutissarsiutit

Kangilinnguani saliineq aallartinneqartoq

Danskit naalakkersuisui naalakkersuisullu Kangilinnguani saliinissap aallartinnissaa junimi isumaqatigiissutigaat. Suliaq tamanna maanna aallartissimasoq, Illersornissaqarfik nittartakkamini allappoq.

Allattoq Kenneth Elkjær

novembarip 13-at 2017 13:16

Nutserisoq Connie Fontain

Arsuup eqqaani sakkutooqarfimmi eqqagassat illukullu piiarneranik suliaqarneq oktobarimi aallartinneqarpoq. Siullertut, eqqagassat naviananngitsut annerpaartaat Illersornissaqarfiup piffik 2014-imi qimammagu, illunut marlunnut toqqorterneqarsimasut suliarineqarput.

Tamatuma saniatigut savimerngit, saffiugassat, eqqagassallu ikuallajasut containerinut 14-inut issoraanneqarput. Containerit imaatigut assartuussutaaqqusaajunnaarnikuummata aserorterneqassasut, Illersornissaqarfik saliinermut atatillugu allappoq.

AAMMA ATUARUK Sakkutooqarfik Kangilinnguit atorneqaqqilersoq

Kangilinnguanit eqqagassat saminerngit Aalborgiliaanneqassapput, eqqagassat sinneri Nuummut nassiunneqassapput, tassanilu Nuup eqqaavilerivianit isumagineqassapput.

AAMMA ATUARUK Kangilinnguani saliisoqarnissaa Løkkep neriorsuutigaa

Eqqagassanik suliaqarnerup ukiup naajartornerani naammassineqarnissaa naatsorsuutigineqarpoq. Illersornissaqarfiup Kommuneqarfik Sermersuullu suleqatigiinnerata saniatigut sakkutooqarfimmi illukut atorunnaarnikut piiarnissaat aamma pilersaarutaavoq.

Kangilinnguit septembarip aallaqqaataani ammaqqinneqarpoq.

Containerit Kangilinnguanit piiarneqarput Assi: Illersornissaqarfik