Kangaatsiamit Uummannamut nannuttassat tamakkerneqartut
Qaasuitsup Kommunia tusagassiorfinnut nalunaaruteqarluni taama ilisimatitsivoq.
Pisassiivimmi Kangaatsiamit Uummannaq ilanngullugu nannuttassat isikkaneq-marluusut tamakkerlugit pisarineqarsimalerput.
Taamaammat apriilip sisamaat aallarnerfigalugu pisassiivimmi Kangaatsiaq - Uummannaq nannunniarneq unitsinneqarpoq pisassiissutigineqartut tamakkerneqarmata, Qaasuitsup Kommuniani siunnersorti, Adam Hansen, taama allappoq.
Taamatut nalunaaruteqartoqarnerata kingorna pisassiivimmi pineqartumi pisaqarneq unioqqutitsinertut isigineqassaaq.