Kangaatsiami isserujussuarnerata imermik pilersuineq matutikkaa
Kangaatsiarmiut 560-it missaaniittut imissaqarumallutik apummik aatsitsisariaqarput, -25-nimmi issinneratigut erngup aqqutai ataasinngormalli qerisoorutigineqarsimammata.
Allattoq Camilla Dam
Atuarfik, meeqqerivik atuareernerullu kingorna ornittagaq tamanna pissutigalugu matoqqatinneqarput.
Nukissiorfiit ajornartorsiut iluarsiniarlugu sapinngisartik tamaat maanna sulipput, kabelilli qerisoornaveeqqutit tamakkiisikkaluaraanniluunniit iluaquataanngilaq.
Qatserisartut suleqatigalugit imeqarfimmit toqqaannartumik assartuiniarsimagaluarput, issippallaarnerali pissutigalugu qatserutit slangitaat aamma qerisoorutigineqarsimapput. Teamleder Peter Frederik Petrussen KNR-imut taama oqarpoq.
Silasiorfik yr.no naapertorlugu, marlunngorpat -4-nnarnik issilertussaarpasippoq.