Namminneq kajumissutsiminnik sulerusuttunik pissarsiorniartut
Takusassiallu taakku ataasinngorpat januaarip ulluisa arfineq-pingajuanni tamanit takuneqarsinnaalissapput.
Takusassiat pineqartut Kalaallit Røde Korsiata immikkoortortaqarfiini tamani, tassa Nuummi, Maniitsumi, Qaqortumi, Tasiilami, Ilulissani, Aasianni Sisimiunilu kaffillertoqarnerisigut saqqummiunneqassapput.
AAMMA ATUARUK Angerlarsimaffeqanngitsut juullisioqatigiinnissaannut peqataaniartorpassuusut
Takusassiani pingaarnertut qulequtaritinneqartoq tassaavoq "Takorluukkavut", illoqarfinnilu atornikuerniarfeqarfiusuni tamani ornigulluni ualikkut nalunaaqutaq ataatsimiit pingasut tungaannut isiginnaariarneqarsinnaassapput.
- Takorluukkatta oqaluttuarinerisigut neriuutigaarput suleqataalerusuttunik takorluugaqartunik pissarsiumaarluta. Sumiiffitsinni inoqatinut inuiaqatigiinnullu allanngueqataarusussuseq takorluukkatut pingaarnertut pigalugu, Kalaallit Røde Korsiat, tusagassiutinut ilaatigut taama allaaserisaqarpoq.
AAMMA ATUARUK Operation Dagsværk kalaallit inuusuttaannut aningaasanik nassiussiniartoq
Kalaallit Røde Korsiata namminneq kajumissutsiminnik sulerusuttunik pissarsiornera ataasinngorpat januaarip arfineq-pingajuanni aallartissaaq januaarillu 28-ata tungaanut ingerlassalluni.
Kalaallit Røde Korsiat tamanut sapaammi januaarip 7-anit nalunaaqutaq 13:00-imit 15:00-ip tungaanut kaffillissaaq.