Kalallit Nunaata Island Gamesimi peqataasarnera misissoqqissaarneqassaaq

Kalaallit unammiuaarnerni kingullerni pingasuni katillugit arfineq marlunnik ujaminnapput, tamannalu Kalaallit Nunaanni Timersoqatigiit Kattuffiata naammaginngilaa.
juunip 14-at 2016 16:02

- Kalaallit Nunaanni Timersoqatigiit Kattuffiani siulersuisut taanna naammaginngilaat, taamaammallu annerusumik piumasaqarnerusariaqarpugut. Taavalu aamma una soorlu unammerusussuseq ajugaarusussuseqartumik nipeqarneq aamma nunanut allanut unammisartutsinnut piumasaqaatigerusupparput aamma saqqummiukkusullugu,))
Timersoqatigiit kattuffiata siulittasua, Nuka Kleemann KNR-imut oqarpoq. 

 

Aamma atuaruk Kalaallit ataasiinnarmik ujaminnapput


Nunarput sinnerlugu unammisartut naammaginartumik sungiusartarnersut naliliersorneqaqqissaaq, piumasaqaatillu sukannernerulersinneqassallutik.

 - Maannakkut piumasaqaateqarusuppugut nunanut allanut unammisartut pitsaanerusumik piareersarsimasariaqarput, taavalu aamma misissorluarneqartariaqarpoq ilumut sungiusarnerat naammattarnersoq taamatut Island Gameserialinnginnermi, siulittaasoq oqarpoq.

 

Aamma atuaruk Island Gamesimi peqataasussat aallarput


Ujaminnattaat minnerpaamik marloriaatinngortinneqartariaqartut Nuka Kleemann nassuiaavortaaq.
Gotlandimi Sverigimiittumi  aappagu Island Gamersertoqassaaq, siulittaasullu unammisartut tassani takutitsilluarnissaat naatsorsuutigaa.

 - Tassani takorluugaqarpugut unaamisartugut piareersarluarsimallutik aammalu ajugaarusussuseqarlutik unammiartussasut unammeqataassasullu, Kalaallit Nunaanni Timersoqatigiit Kattuffiata siulittasua, Nuka Kleemann oqarpoq.