VIDEO Kalaallit takornariartitsineq pillugu filmiliaat nersorniarneqartoq

Festivalip Portugalimi sapaatit-akunnerata suliani qulingiluassaanik ingerlanneqarnerani Nunatsinni takornariartitsinermut siunnersuisoqatigiiffik immikkoortumi "Angalaffissat nutaaliorfisut"-ni ajugaavoq.

Visit Greenland takornariartitsinermut siunnersuisoqatigiinni nutaaliorluarnerpaatut toqqarneqarluni ajugaavoq, tunngavilersuutigineqarluni: "Pioneering Nation atorlugu Visit Greenlandip angalaffissaq, misigisassat, kalaallit kulturiat inuillu nalissaqanngitsumik nittarsaappai".

Danskit Portugalimi aallartitaata Visit Greenland sinnerlugu akissarsiassaq tigugaa, takornariartitsinermut siunnersuisoqatigiinni pisortaq Anders Stenbakken taama ilisimatitsivoq.

Filmit 257-it nunanit 54-ineersut, ilaatigut Frankrigimit, Canadamit, Tysklandimit, Spaniamit, Ruslandimit, Tyrkiamit Finlandimiillu peqataapput.

The brand of Greenland - Visit Greenland interview from media.gl on Vimeo.