Kalaallit taekwondortartut EM-imi kvartfinalimuinnaq killittut
Grækenlandip illoqarfiisa ilaanni Thessalonikimi Europami pissartanngorniunneq sapaatiummat naammassivoq. Kalaallit Nunaannit taekwon-dortartut kattuffiat sinnerlugu peqataasut marluk ingerlalluarput, Nunatsinni Taekwondo-dortartut kattuffianneersoq, Angutinnguaq Tittussen tusagassiorfinnut nalunaaruteqarluni taama allappoq.
Pilunnguaq Filemonsen tul-imi 1. Dan-ini unammeqataasoq, unamminermi siullermi Ukrainemiumut 3-2-mik ajorsarpoq, frikampimilu Walesimiumut nukittunerusumut misilittagaqarnerusumullu ajorsarluni.
Villads Mølgaard tul-imi 2. Dan-ini unammeqataasoq, kvartfinalimi Hollandimiumut ajorsarpoq. Unammineq naligiittorujussuummat ujaminnangajappoq, Hollandimiorli misilittagaqarnerulluni ajugavoq.
Frikampimi Grækenlandimiu unammivaa, sukkanerusoq misilittagaqarnerusorlu. Unammilluarpoq, Grækenlandimiorli pointeqarnerulluni ajugaavoq.
- Unammersuarneq ataatsimut isigalugu, nunatsinnit unammiartut kusanartumik takutitsipput. Villads Mølgaard unammersuarnermut aatsaat peqataavoq taamaakkaluartoq ujaminnannissaq qanittuararsuuaa, Angutinnguaq Tittussen oqarpoq.
Unammersuarnermut piukkunnaatillit Nunatsinninneersut tae kwon-dortartut atuarnertik ajoquseqqanerlu peqqutigalugit unammersuarnermut peqataasinnaasimanngitsut aamma oqaatigaa.
Aamma atuaruk Taekwondomik Europami pissartanngorniuunnermi Kalaallit peqataassapput