Kalaallit qallunaallu unammissasut
Assammik Arsartartut Kalaallit Nunaanni Kattuffiat tusagassiuutinut nalunaarummi taama allappoq.
Danskit assammik arsarlutik nunanut allanut unammisartuisa inuusuttortaat Europami nunarsuarmilu pissartanngorniunnissanut piareersaatitut nunatsinnukassapput.
Taakkualu nunatta assammik arsarlutik nunanut allanut unammisartuinuit juunip ulluisa 15-ianni, 17-ianni 18-iannilu unammissapput. Sungiusaatigalugu unamminissat nunatta nunanut allanut unammissartuisa angutitaannut sungiusaasumit qilanaarineqarput.
- Unammisartugut amerikap nunavittaani unammersuarnissamut piareersarpagut, danskillu nunanut allanut unammisartuisa U-21-iinut unamminissarput uagutsinnut pitsaasuuvoq, iligiit amerikap nunavitaani juunimi 2018-imi unammersuarnissamut ineriartortinnissaannut pingaartuulluni, nunanut allanut unammisartut sungiusaasuat, Niels Møller tusagasssiuutinut nalunaarummi oqarpoq.
