ASSIT Kalaallit Nunaat Tivolimi
Kulturikkut alikkusersuilluni aaqqissuussinerit nunatta avataani ingerlanneqartartut annersaat, Kalaallit Nunaat Tivolimi ullumikkut aallartippoq.
Allattoq Aaqqissuisoqarfik
juulip 31-at 2015 17:12
Nipilersortartut Simon Lynge, Ulf Fleischer Paarisa Band nipilersoqatigalugit, Kimia, Nanook aamma Small Time Giants, Elektroniskimik nipilersortartoq Nuummeersoq Aqqalu Engell aaqqissuussinerup ingerlanneqarnerani tusarnaarneqarsinnaapput.
Kalaallit Nunaat Tivolimi peqataasunut ukiukinnernut Hinnarik aamma nipilersortartoq Frederik Elsner aliikkusersuissapput, aaqqissuisut nittartakkaminni taama allapput.
Sassuma arnaanik oqaluttuaq Nuka Alice Lundip Tivolimi aalisakkanik uumatitsivimmi akvariumimi saqqummiutissavaa.
Nipilersoqatigiit Small Times Giants Kalaallit Nunaat Tivolimi ullumikkut aaqqissuussat naggaserlugit tusarnaartitsissapput.
