Kalaallit Nunaat siullerpaamik illersuisuunertaarpoq
Nunatta oqaluttuarisaanerani Finn Meinel siullersaalluni Kalaallit Nunaanni illersuisuuninngorpoq.
Kalaallit Nunaanni pinerluttunut tunngasunut suliaqarnermi eqqartuussissuserisup Finn Meinelip pingaarnertut suliassarissavaa illersuisuusartut atugaasa pitsanngorsaavigineqarnissaat. Illersuisuusartut ilinniartitaanerat, siunnersorneqarnerat eqqartuussiviit sinerissamiittut ornittarlugit nakkutigisassavai. Taakku saniatigut illersuinermi ileqqorissaarnissamut ilitsersuummik suliaqassaaq.
Inatsisinik atuutsitsinermut ministeri Søren Pape Poulsen ima oqarpoq:
- Tamatta toqqissisimasuunissatsinnut pingaaruteqarpoq eqqartuussiveqarfiup tatigineqarnissaa. Taamaattuminguna eqqartuussissuserisoq Finn Meinel Kalaallit Nunaata oqaluttuarisaanerani illersuisuunertut siullerpaatut toqqaripput. Pinerluttulerinermi suliani sunniuteqarluartumik sulisarnissaq qulakkeerniarlugu ilaatigut Kalaallit Nunaanni illersuisunik ilinniartitsillunilu siunnersuisassaaq. Taamaalilluta Kalaallit Nunaanni inatsisitigut isumannaatsuunissaq nukittorsassavarput ministeri Søren Pape Poulsen oqarpoq.
Finn Meinel Kalaallit Nunaanni inunngorlunilu alliartorsimasoq Københavnip Universitetiani 1996-imi inatsisilerituutut naammassisimavoq.
Tamatuma kingorna eqqartuussissuserisutut Kalaallit Nunaanni sulisimavoq, aammalu illersuisutut sulisarsimalluni. Tassunga tunngatillugu Kalaallit Nunaanni illersuisuusartut ilinniartillugillu siunnersortarsimavai.
AAMMA ATUARUK Illersuisut nukittorsaavigineqalersut
