Kalaallit Nunaat pillugu siunnersorti nutaaq

Nauja Bianco 35-nik ukiulik  cand. scient. pol Nunallu Avannarliit ministeriisa siunnersuisoqatigiivini Issittoq avatangiisillu pillugit siunnersortitut soraassaaq, nunanut allanut ministeriaqarfimmi siunnersortitut atorfittaarnissani pissutigalu.

Atorfittaaruni 54-inik ukiulik Mikaela Engell, apriilip aallaqqaataani rigsombudsmanditut atorfinittoq paarlassavaa.

- Nunanut allanut tunngatillugu siornatigut Kalaallit Nunaat kisiat sinnerlugu suliaqartaraluarpunga. Maannakkulli nunanut allanut ministeriaqarfimmi Danmarki sinnerlugu Kalaallit Nunaat pillugu siunnersuisuussaanga. Imaluunniit eqqornerusumik: Kalaallit Nunaata Danmarkillu akornanni ataqatigiissarisuussaanga. Atorfik nunat taakku marluk akornanni ingerlatanik ataqatigiissaariffittut isigaara tamannalu assut pissanganassangatillugu, Nauja Bianco AG-mut oqarpoq.

Nauja Bianco, siornatigut Bruxellesimi Kalaallit EU-mi aallartitaqarfianni atorfeqarsimasoq, cand. scient. Pol.-tut ilinniarsimasuuvoq.