Danskit aningaasanut inatsisaat Kalaallit Nunaannik ilisimasaat misissorneqalerput

Danskit inuusuttut Kalaallit Nunaat Naalagaaffeqatigiinnerlu pillugit ilisimasaat maanna misissorneqalerput.

Danskit aningaasaqarnermut inatsisaanni tallimanngornermi isumaqatigiissutigineqartumi, million koruunit affaat immikkoortinnneqarput,  
taakkua Danmarkimi inuusuttuaqqat atuarfiini ungdomskoleni  meeqqallu atuarfiini atuarunnaartussat Kalaallit Nunaannut kalaallillu kulturiannik ilisimasaannik misissuinermut atorneqassapput.

Taama aningaasaliisoqarnera peqatigiiffiup Polarskolenip nuannaarutigaa, Kalaallit Nunaat naalagaaffeqatigiinnerlu pillugit inuiaqatigiinni danskini ilisimasaqarnerunissaq polarskolenimi suliniutigineqarmat.  

-  Misissuisitsinermi qanoq ilisimasaqartigineq uppernarsassavarput  suliallu ingerlateqqinnissaannut tunngaviulluassaaq,
Polarskolenimik tunngaviliisoq Gregers Gjersøe oqarpoq

Gregers atuartitsinermi atortussanik suliaqartarpoq, Danmarkimilu meeqqat atuarfiini ilaatigut qarasaasiat atorlugit Kalaallit Nunaannut tunngassuteqartunik misilittaatitsisarluni.

- Danmarkimi meeqqat atuarfiini, ilinniarnertuunngorniarfinni, nalinginnaasumillu inuiaqatigiinni danskini Kalaallit Nunaat annerusumik ilinniartitsissutigineqarnisaaa pisariaqarpoq, Gregers oqarpoq.

-  Tamanna kalaallinut Danmarkimiittunut assigiinngisitaartumik ilisimasaqarnermut paasininnermullu pilersitsissapput.

Danmarkimi inuusuttatsinnut tamanna pisussaaffigaarput, Gregers Gjersøe oqarpoq.

Misissuisitsinissamut aningaasaliiussitigineqartut saniatigut, suliniummut NUKIGA-mut Danmarkimi kalaallit illuutaanni sulianut 2,1 million kornunit aningasaliissutigineqarput,  taakkua ilaatigut kalaallit suliffeqarfiutaasa inussutissarsiutitigut nittarsaassinerni suliaqarsimapput.

Pineqaatissinneqarsimasut inissiisarfiini kalaallit sulisut ilinniaqqinnissaannut 1,1 million kr-nik aamma aningaasaliisoqaropq.