Nunatsinni internettimut attaveqaatit sukkanerulissapput
14.57 nutartigaq: Berlingskep allaaserisaa tunngavigalugu siusinnerusukkut allakkaluarpugut, internetti nunatta ilaani arlalinni nunarsuarmi sukkanerpaassasoq. Tele-Postip Sermitsiaq.AG-ip taamatoqannginerarpa.
Kinamiut qarasaasiakkut attaveqaatikkullu suliffeqarfissuata Huaweip Finlandimiullu telemik suliffeqarfiutaata Alcatelelip immap naqqatigut kabeli Nuummiit Aasiannut attavilissavaat.
Immap naqqatigut kabelimik attavilersuineq septembarip qaammataani aallartissaaq, Tele Post taama nalunaarpoq.
AAMMA ATUARUK Imaatigut kabelip tallinissaa qanilliallattoq
Internettikkut attaviup sukkassussia ullumikkut Danmarkimi agguaqatigiissillugu sukkassutsimit pingasoriaammik sukkanerulissasoq, aviisi Berlingske taama allaaserisaqarpoq.
Nuummit Aasiannut immap naqqatigut kabelimik sukkanerusumik attavilersuinerup decembarip qaammataani naammassineqarnissaa Tele Greenlandimit naatsorsuutigineqarpoq.
