Kalaallit nerrivimmi arsaarartartut Danmarkimi ingerlallualaavissortut
Nukannguaq Søholm arnat nukarliit/U21-t unamminerinut peqataassaaq Melissa Larsenilu nivissat inuusunnerit/nivissat unamminerinut peqataassalluni. Taakku Tjelemi efterskolertuupput, atuarnerminnilu atuarnerullu saniatigut nerrivimmi arsaararneq sammisarilluarpaat.
Unamminerit immikkoortuini tamani peqataasut aqqaneq-marluussapput, tamarmillu imminnut unammisussaassallutik. Immikkoortortani pitsaanerit sisamat Top 12-it marsip qaammataani unamminissaannut anngutissapput. Nerrivimmi arsaararlutik nunanut allanut unammisartut sungiusaasuat anngunniuuttoqarnerani ilungersulaavissortoqarnissaa ilimagaa, aatsaat taama pikkoritsigisunik unammisoqartussaammat.
Ippassarlu sisamanngornermi nerrivimmi arsaarartartut Tjele Efterskolemeersut ingerlallualaavissorsimapput. Peter Jakobsen Ivik Nielsenilu Sisimiuni BAT 98-imeersut aamma Marco Fisker Jørgensen Qaqortumi K33-imeersoq dommeritut misilitsinnerminni angusipput. Atuartut taamatut angusaqarnerat kusanarluinnarpoq, misilitsinnermi danskisut ingerlanneqarpoq nalunartupilussuullunilu. Taakkulu Sisimiuni poorskimi unammersuartoqalerpat dommeriusinnaanngorput.
