Kalaallit isertitseriaqattaareerlutik guultinnanniuunnissamut anngupput
Kalaallit isikkammik arsaattartui 1-0-mik kinguaqqareerlutik finaalimut anngupput.
Allattoq Mads Pedersen
juunip 29-at 2017 11:40
Kalaallit Menorcalu semifinaalimi unammimmata pissanganarluinnarpoq. Kalaallit muminnginnermi 1-0-imik kinguarnikuusut mumeriitsiarnermi Kaali Lund Mathæussen sakkortuumik qeqqanoorilluni Menorcamiut isertitsisoortippai unammisut naligiilersillugit.
Taamak pisoqareernerani kalaallit arsarluarnerulerput arsarlu paarinerulerlugu.
Kalaallit isertitseqqinnissamut qaninnerusaraluartut unammineq naligiiffiulluni naammassimmat sivitsorneqarpoq. Sivitsorneranilu isertitsisoqanngimmat unammineq isertitseriaqataarnermik inerneqarpoq.
Pissanganarluinnartumik isertitseriaqattaareerlutik kalaallit 3-1-mik ajugaapput, finaalertussanngorlutillu.
