Kalaallit inuusuttut isertukkatik DR-imi saqqummiukkaat
Isiginnaagassiaq pisimasuinnik tunngavilik "Hemmeligheder fra Nuuk" - kalaallisut "Isertukkat Nuummeersut"-mik qulequtaqarpoq nangeqattaartuullunilu.
Nordisk Filmip DR3 sinnerlugu isiginnaagassiaq suliaraa. Tassani kalaallit inuusuttut pingaarnertut inuttaapput. Jyllandsposten taama allaaserisaqarpoq.
Nunatsinni paquminartunik isertukkanillu ulikkaartoq, taamaakkaluartoq kinguaariit nutaat paqumisunnissamik, qanorlu innerminnik isertuussinissamik qatsussisut isiginnaagassiani aallaqqaasiutigineqartoq jp.dk allaaserisaqarpoq.
Isiginnaagassiami nangeqattaartumi qaqinneqartut Nunatsinni inuusuttut ammanerulernerannik kinguneqassasut Caroline Una Henningsenip Nordisk Filmimeersup neriuutigaa.
- Kinguaariit nutaat ajornartorsiutiminnik isertuussikatapput, maannalu allanngoriartorneq pileruttorluni. Isiginnaagassiornikkut neriuutigaarput ammasumik oqaluuserinninnikkut inuttut atukkat akueriniarneri ajornannginnerulertartoq paasineqassasoq. Ammasuuneq nukuttuunngortitsisoqrpoq, Caroline Jyllandspostenimut oqarpoq.
Isiginnaagassiaq nangeqattaqartoq arfinilinngorlugu agguarneqarsimasoq novembarip 13-ani DR3-mi takuteqqaarneqassaaq.
AAMMA ATUARUK DR Nuummit inuusuttulersaarummik nangeqattaartuliortoq