AARHUS Kalaallit inuuniarnermikkut ajornartorsiuteqartut naapittarfittaartut
Tamanna kommunip innuttaasunut assigiinngitsunut inuuniarnermikkut ajornartorsiuteqartunut naapittarfimmik eqqissisimaffissamik pilersitsiniarneranut ilaavoq.
Kalaallinut inuuniarnermikkut ajornartorsiuteqartunut naapittarfissaq ’eqqissisimaffik’ pisortanit pigineqartoq, Godsbanemiippoq. Tassani inuttaasut uninngaarfigisinnaasaanni, issiaartarfimmik qaliaaralinnik ikumaartitsivinnillu peqassaaq.
AAMMA ATUARUK Pisortaq: Aarhusimi eqqissiviilliortoqarnera kalaallinut tunngassuteqanngilaq
Naapittarfissap Aarhusimi Klostertorvimi eqimattat atornerluisut inuttaasullu inuuniarnermikkut ajornartorsiuteqartut akornanni aaqqiagiinngittoqarneratigut eqqissiviilliortoqartarneranik annikillisaataanissaa neriuutaavoq.
- Pilersitsisoqaraangat soorunami Klostertorvimi oqilisaaniartoqartarpoq kalaallillu takananiikkusuttut Sydhavnimiikkusuttullu (Naapiffimmi aaqq.) sumiiffissaqartinniarneqartarput, Mads Kjær Vejrum, suliniummi suleqataasoq oqarpoq.
AAMMA ATUARUK Aarhusimi ini kialaarfik kalaallinuinnaq atugassiaq ammarneqartoq
Sumiiffiup aaqqissuunnera kalaallit atuisartut assigiinngitsut suleqatigineratigut suliarineqarpoq sapaatip akunnerata tulliani atoqqaarfissiorneqassaaq.
Sumiiffilli taanna utaqqiisaarutaannaavoq tassa tunngavik namminersortumut sanaartortussamut tunineqarnikuuvoq.
