Kalaallit inuuniarnermikkut ajornartorsiuteqartut aningaasaliiffigineqalersut
Ukiuni tulliuttuni pingasuni katillugit 46 millionit koruunit aningaasaliissutigineqassapput.
Danmarkimi tapiissutaasartut satspuljet pillugit taama aalajangiisoqartoq, Danmarkimi isumaginninnermi nunamullu namminermut ministereqarfik taama nalunaaruteqarpoq.
Namminersorlutik Oqartussat inuuniarnermikkut ajornartorsiutillit pillugit sulinerannut 10 millionit koruunit immikkoortinneqarput, pingaartumik meeqqat inuusuttullu pillugit suliniutinut aningaasaliisoqassalluni.
Aningaasaliissutissatut siunniunneqartut sinneri 36 millionit koruunit, Kalaallit Danmarkimi inuuniarnermikkut ajornartorsiutillit pillugit Danmarkimi kommunit suliniutaannut immikkoortinneqarput.
Tapiissutinut satspuljenut aningaasaliissutit ataatsimut isigalugit 1 milliardit koruunit ataatilaarpaat, inuit inuuniarnermikkut ajornartorsiutillit pillugit suliniutinut atorneqartussaallutik.
Tapiissutit satspuljet pillugit isumaqatigiisutit 2017-imit 2020-mut atuuttussaapput.
