Politikki Kulturi

Kalaallit Illuutaat satspuljet unitsikkallarneqarnerannit eqqugaasut

Danmarkimi Kalaallit Illuutaat arlaqartut naalagaaffimmit satspuljemit oktobarimi aningaasassarsinngillat. Odensemi Københavnimilu Kalaallit Illuutaasa pisortaat KNR-imut taama paasissutissiipput.

Nationaldagsfejring i Det Grønlandske Hus i Aalborg

Allattoq Helle Nørrelund Sørensen

oktobarip 15-at 2018 10:19

Nutserisoq Connie Fontain

Tamanna Danmarkimi Isumaginninnermut aqutsisoqarfimmi kusanaatsuliortoqarsimaneranit pissuteqarpoq, tassa sulisup tatigineqartup ukiuni arlalinni satspuljemit 111 millionit koruunit imminut tuttussanngortittarsimammagit.

Kusanaatsuliorneq sapaatip akunnerata siuliani tamanit ilisimaneqalerpoq, tamannalu pissutigalugu aningaasaliissutissat Danmarkimi Isumaginninnermik Aqutsisoqarfiup aaqqissuussinerup iluarsinissaata tungaanut unitsikkallarpai.

AAMMA ATUARUK Aarhusimi kalaallinut ikiortarialinnut suliniut nutaaq

Danmarkimi Kalaallit Illuutaat sisamat kalaallit Danmarkimut tikerlaat Danmarkimi inuunerissaarnissaannut ikiuiniarnissamut satspuljemit aningaasanik 2017-imiilli qinnuteqarsinnaasarput. Suliniutilli taakku aningaasaliiffigineqarnissaat maanna unitsinneqarallarput.

Aammattaaq Namminersorlutik Oqartussat ataani meeqqanut inuusuttunullu susassaqarfik 2017-imit 2020-mut katillugit 10 millionit koruuninik naalagaaffiup satspuljenit pissarsisarpoq.

Isumaginninnermulli Naalakkersuisoqarfiup ilisimatitsissutigaa Namminersorlutik Oqartussat Danmarkimi Isumaginninnermut Aqutsisoqarfimmi kusanaatsuliornermit aningaasanillu pissarsinissaat sunnerneqanngitsoq.

AAMMA ATUARUK Aningaasat satspuljemeeersut tapiissutit avaqqullugit aningaasaliissutaanngillat

Kalaallit Illuutaat satspuljet unitsikkallarneqarnerannit eqqugaasut

Aamma atuaruk