Kalaallit ilageeqalernissaat ilageeqarnermut ministerip taperseraa
Danskit ilageeqarnermut ministeriat Berthel Haarder folketingimut ilaasortanik nunatsinneersunik ippassaq ataatsimeeqateqarnermi kingorna taama nalunaaruteqarpoq.
Siumup tusagassiorfinnut nalunaarutaa naapertorlugu Berthel Haarderip ataatsimiinnermi ilisimatitsissutigaa Aleqa Hammond (S) aamma Aaja Chemnitz Larsen (IA) suleqatigalugit Danmarkimi kalaallit ilagiit sinniisuinik pilersitsinissaq 'siunissami qaninnerpaami' anguniarusullugu.
Aammattaaq kalaallit Danmarkimi ataasiinnarmik palaseqarnerat naammanngitsoq isumaqataaffigigaa Siumut ilisimatitsivoq.
- Ullumi ministerimik ataatsimeeqateqarnerput ajunngilluinnarpoq. Berthel Haarder-ip Danmarkimi kalaallit ilagiinnut sinniisuinik pilersitsinissamik siunnersuut tapersersorpaa. Taassuma saniatigut paasisinnaalluarpaa kalaallit 15.000-it sinneqartut palasimit ataassíinnarmit sullinneqarnerat naammaginanngittoq. Ikinnerpaamik palasit marluusariaqarput, Aleqa Hammond tusagassiorfinnut nalunaaruteqarluni taama allappoq.
Kalaallit Danmarkimi ilagiivinik pilersitsiniaqatigiit pilersitsiviusumik arfininngorpat ataatsimiinnissata nalerorlugu danskit ilageeqarnermut ministeriat taama nalunaaruteqarpoq.
Tamanna Kalaallit Illuutaanni Københavnimiittumi, Danmarkimi nalunaaqutaq malillugu, nalunaaqutaq 14 pissaaq.
