ASSIT Kalaallit Fremillu unamminerat naligiiffiunngitsoq

Kalaallit nunanut allanut unammisartuisa angutitaat Fremimut, 2. divisionimut annguteqqammersumut, sungiusaatigalugu sisamanngormat unammipput. 

Kalaallit, qaammatip matuma siuliani Nuuk Stadionimi ivigaasani aputaajaallutik nivannikuusut, silami sungiusarlutik aallarteqqammerput. Taamaammat tupaallannanngitsumik Fremimut ajorsarput. Muminnermi 4-0-imik kinguaqqariarlutik 7-0-imik ajorsarput. 

Unammisartut silami sungiusarnerat sivikippoq, pitsaanerpaaffimminniiinnatillu. Nunanut allanut unammisartunut sungiusaasut, Tekle Gebrelul amma René Olsen, ajornangaatsiarnertik uggoraat. 

- Unamminermi aallartinnerliorpugut, aallartilaaginnarlutami isertitsiffigitikkatta. Unammineq allaanerusimasinnaagaluarpoq. Unammisartugulli silami sungiusarlutik aatsaat aallartilaarput, unammisagullu misilittagartuujullutik, sukkasuumillu arsarlutik. Tamannalu unamminissap tullissaanut atorsinnaavarput, sungiusaasut oqarput.

Kalaallit mumereernermi arsarluarnerugaluarput, tamannalu isertitsinissamut naammassimanngilaq.