Kalaallit eqqillit unammillerpaat
Eqqillit timersuutaanni Dene Games-mik aamma naggueqatigiit inuit timersuutaannik Arctic Sportsimik ingerlatsigut Ilulissani unammeqqammerput. Qasigiarmiut angusarissaarnersaapput katillugit 60 point-inik angusaqaramik tulliupput Qaqortormiut Iluliarmiut pingajuusut.
Nuna tamakkerlugu sungiusaasoq Helga Nielsen aamma periarfissaqarsimavoq timersuutinik taakkuninnga ingerlatsisunit kikkut Arctic Winter Games-imut unammiartortitassatut piukkunnarnersut. Ukiut marluk matuma siorna kalaallit Dene Games-imi inersimasuni inuusuttunillu peqataatitaqarput taamanikkullu arlalinnik kultinnapput.
Maanna timersuummik tassannga ingerlatsisut pingasoriarlutik Arctic Winter Games-imi peqataasarnermikkut misilittagaqarnerulersimapput. Inuusuttut inersimasullu Arctic Winter Games-eriartussat toqqarneqarput, ukuuppullu:
Inuusuttut:
Piili Marti Siegstad, Kangaatsiaq
Nikatius Maratsi, Qasigiannguit
Taatsiaq Gabrielsen, Ilulissat
Henrik Frederiksen, Qasigiannguit
Inersimasut:
Iivali Lennert, Nuuk
Emil Geisler, Ilulissat
Gert Møller, Qasigiannguit
Minik Møller Platou, Nuuk
Bodil Mikaelsen Arctic Sportsimi unammiartortussatut toqqagaavoq angutillu kingusinnerusukkut toqqarneqarumaarput.
GM-imi angusat takusinnaavatit linkit ataaniittut toorlugit.