Kalaallit dommerit nunat tamalaat assammik arsarlutik unammiuaarneranni dommeriusut
Kalaallit assammik arsartuni dommerit marluk nunat tamalaat assammik arsarlutik unammiuaarneranni pingaarutilimmi siullersaallutik dommeriupput.
Tassami dommerit Leif Alufesen Gunnar Sørensenilu Cubap Guatemalallu Amerikap nunavittaani assammik arsarluni Cubap illoqarfiisa pingaarnersaanni Havanami unammiuaarneranni unamminerannut ippassaq dommeriugamik.
Aamma atuaruk Kalaallit USA-mut 28-22-mik ajugaapput
Cubami unammisoqarnera pissutaalluni Cubami tv-kkut aallakaatinneqartoq, nunanut allanut unammisartut sungiusaasuata Frank Rasmussenip oqaatigaa.
Dommerillu kalaallit taakku marluk unamminermi dommeriulluarsimasut isiginnaaqataasut nalunaarutigaat. Cuba Guatemalamut ajugaallualaavippoq, 42-17-imik ajugaagami.