SIUNNERSUUT Kalaallit danskit prideqarneranni neriusaamik erfalasulisassapput

Kalaallit suiaaqatiminoortut Københavnimi Gay Prideqarnerani neriusaamik erfalasulisaartariaqarput. Københavnimi Kalaallit Illuutaata pisortaa, Kalaallit Pride 2018-imi sinniisoqartikkusullugit taama siunnersuuteqarpoq.
aggustip 17-at 2017 08:06
Nutserisoq Connie Fontain

Suiaaqatiminoortartut pisinnaatitaaffii Københavnimi sapaatip akunneranni matumani nuannaarutigineqassapput. Nuannaarutiginninneq, Københavnimi arfininngorpat ingerlaaqatigiinnermi naggaserneqartussaq.

Kalaallit Illutaannilu pisortaq, Leise Johnsen aalajangiisussaaguni Kalaallit Nunaat pridemik ingerlaaqatigiinnermi aappaagu aamma sinniisoqartariaqaraluarpoq.

- Danmarkimi kalaallinik suiaaqatiminnoortunik najugaqartoqartoq oqaluttuarissallugu isumatsialarujussuuvoq. Ajunngitsumik ersersitsisinnaasut tamaasa peqataaffigerusuppagut, KNR-imut oqarpoq.

AAMMA ATUARUK Homoseksuelle fik flere rettigheder

 

Pride katittarnerlu

Københavimi 1996-imi siullerpaamik Gay Pridertoqarpoq. Ukiut 14-it qaangiummat - 2010-mi - Nunatsinni siullermeertumik Nuummi Gay Prideqarpoq.

 

1989-imi danskit suiaaqatigiit nunarsuarmi siulliullutik aappariittut nalunaarsorneqarsinnaalerput. Inatsit 1996-imi nunatsinnut aamma atuutilersinneqarpoq.


Danmarkimi suiaaqatigiit oqaluffimmi 2012-imi katissinnaalerput. Pisinnaatitaaffiit taakku nunatsinni 2016-imi atuutilersinneqarput.

Peqataaneq maluginiarneqangaatsiartoq

Leise Johnsen allanik peqateqarluni pridemi 2014-imi ingerlaaqatigiittoqarnerani piareersaqqaaratik kalaallit erfalasuat neriusaamillu qalipaatilimmik suiaaqatigiit ilisarnaatigisaannik erfalasulisarlutik ingerlaaqataapput.

Peqataanerat Danmarkimi ilaatigut kalaallinik innuttaasunik maluginiarneqangaatsiarpoq.

- Peqataareernitsinni kalaallinit arlalinnit oqaaseqarfigineqarpugut. Erlasorpullu ingerlaaqatigiinnermi nassaripput takullugu nuannaarutigisorujussuuaat. Taama eqqaamaqarlunga eqqarsarpunga, imaassinnaasoq ukiup tulliani peqataarusuttoqarpat taamaalioqqissinnaasugut, Leise Johnsen oqarpoq.

Taanna suiaaqatigiit LGBT Kalaallit Nunaat Nuummi aqqusinertigut suiaaqatigiit pisinnaatitaaffiisa 2010-mi malunnartinniarneqaqqaamata peqataavoq, Nuummilu aaqqissuussisut København Pridemi kalaallit peqataanissaannut tapersiinissaat neriuutigaa.

AAMMA ATUARUK Suiaqatiminoortut pisortani katissinnaalernissaat Savalimmiuni itigarteqqikkaat

Sorsuutiginninnerminngaanniit nuannaarutiginninnermut

Danmarkimi kattuffiit, peqatigiiffiit partiillu assigiinngitsut København Pridemi ullumikkut peqataapput ministeriunerlu sinniisunik assigiinngitsunik ministeriuneqarfimmut nalliuttorsiualaarnissamut ukioq manna qaaqqusivoq.

Pisartorli tamat ruannaarutiginninnerilersimagaluaraat, suiaaqatigiit pisinnaatitaaffiisa sorsuutiginissaat suli pisariaqartoq, Leise Johnsen arnamut katisimalluni meeraqaqateqartoq isumaqarpoq.

- Suliffimminni imminnut nassuerutiginissaminnut tunuarsimaartoqartuartillugu tamanna pisariaqartuassaaq. Namminerluunniit ukiuni 40-ni imminut nassuerutigeqanikuulluni tamanna eqqarsarnartoqarsinnaavoq. Inoqarporli nassuersinnaanngitsunik nassuerutigisinnaanngikkallartunilluunniit. Taamaammat soorunami suli pisariaqarpoq.

Nunatsinni 2010-mi prideqaqqarnerani Nuuk qitiuvoq.

Suiaqaatigiillu ukioq kingulleq maajimi oqaluffimmi katissinnaalerput.

AAMMA ATUARUK Mr. Gay Pride: Nunatsinni nikeriarnerujussuaq pisimavoq