Kalaallit danskillu akornanni pissutsit issittumi eqqisseqatigiinnermut aalajangiisuupput
Nunarput Danmarkilu avissaasappata issittumi eqqisseqatigiinneq eqqugaasinnaavoq.
Nunanut allanut ministeriaqarfimmit peqatigiiffilu nunanut allanut politikkikut sammisallip unammisitsineranni ilinniartut qallunaat marluk ajugaassutaanni tamanna tusarliunneqarpoq.
Danmarkip issittumi pilersaarusiornikkut soqutigisai pillugit peqataasut allaaserinnittussaasimapput. Ilinniartut marluk allaserisami ajugaasut oqaatigivaat kalaallit danskillu akornanni pissutsit pingaaruteqangaatsiartut issittup sinneranut, naalagaaffeqatigiinnerup inissisimafia peqqutigalugu.
Aamma atuaruk Issittumi Siunnersuisoqatigiinni suleriaaseq Olsvigip allanngortikkusukkaa
Aamma atuaruk Nunatsinni ilisimaneqanngitsunik aqqartartoqartartoq
Nunat tamalaani isumannaarneq pillugu innuttanullu pisussaaffiit pillugit Syddansk Universitetimi ilinniartoq, Sofie Rose, taama nassuiaavoq.
-Inississugaaneq peerutsigu, naalagaaffeqatigiinnermik taasarput, tatiginninnginneq pilissaaq naluarpullu qanoq inerneqassanersoq. Naluarput akerleriitoqalissanersoq akerleriittoqassannginnersorluunniit.
- Nunat pissaanilissuit Rusland USA-lu pingaartumik silap pissusiata allanngoriartornera pissutigalugu akerleriissuteqaleratarsinnaapput, KNR-imut taama oqarpoq.
Taamaattumik Nunarpat Danskillu akornanni pissutsit ajunnginnissaat pingaaruteqarpoq, aamma nunarput namminersulivissagaluarpat.
Aamma atuaruk Russit Issittoq pillugu qitiusumik tusagassiisarfiliulersaartut
Nunanut allanut ministeri Kristian Jensen (V) sisamanngormat Simon Mølholm Olesen Sofie Roselu allaaserisaat pillugu 15.000 koruuninik akissarsisippai. Tamanna Københavns Universitetimi pivoq. Assi: Esben Matiny-Bruun
Nunasiaataaneq kingunerlutsitsivoq
Danmarkip akisussaaffigaa nunarput nunanut allanut politikkikkut aalajangiinnerni ilannguttarnissaa, Simon Mølholm Olesen allaqataasoq oqarpoq, taanna Aarhusip Universitetiani oqaluttuarisaanermik kulturimillu ilinniarpoq.
- Nunarput1950-imi nutaamik aaqqisuusinermi nutaaliamut iseriartuaarnerani, kalaallit avaqqutiinnarlugit aalajangiinissaq pisariaqarsimasoq, Danmarkimi aalajangiisartut isumaqarsimapput.
Aamma atuaruk Norgimi ministeri: Issittumi inatsisit malittariaqarpagut
- Tamannalu kingunerlutsitsisimavoq, ileqqumimmi kalaallit tusaasariaqannginnerannik aamma oqaraluaraanni tusarnaartarlugit pilersitsisimavoq, Simon Mølholm Olesen oqarpoq.
Ilanngutassiamik allatsigisamik ajugaasup eqqugassai katillugit 15.000 koruuniupput, affaalu Aarhusimi Kalaallit Illuutaanut tunissutigineqarlutik.
Danskit nunanut allanut ministeriat Kristian Jensen Københavnillu Universitetiani pisortap tullia Lykke Friis, ippassaq sisamanngornermi Københavnip Universitetiani aaqqisuusinermi ilinniartut marluk ajugaanerat malunnartippaat.
