Kalaallinik siumut naqissuseereertarneq P3-mi oqallisigissavaat
Raadiukkut aallakaatitassiaq ”Fordomsfrekvensen”-imik taaguutilik arfininngorpat aallakaatinneqalerpat, qallunaat kalaallinut siumut naqissuseereertarnerat sammineqassaaq. P-3-lu naapertorlugu inuiaqatigiiit kalaallit tassaapput qallunaanit nikassarneqarnerpaat.
- Aallakaatitassiami sammineqartut sapaatip akunnerit tamaasa allanngorartarput, samminneqartut oqallisigineqarneranni inuiaqatigiinnut tikkuartuinissaq siunertaanngilaq. Akerlianillu sapaatip akunnerani pulaartorineqartoq siumut naqissusereerneqarnernini pillugu oqaluttuartinneqartarpoq. Taamaasilluni paasinarsisarpoq ilumut eqqortumik uniortumilluunniit tikkuussisoqarsimanersoq, Rebekka Svensson aallakaatitassiamit Fordomsfrikvensenimiit oqarpoq.
Isiginnaartitsisartoq Nukaaka Coster-Waldau qatanngutaalu Maja Motzfeldt Haarh, aallakaatitsivimmi apersorneqassapput, qallunaat siumut naqissuseereertarnerannik misileraatinneqassallutik. Aallakaatitassiallu nittartagaani ilanngussat naaperorlugit qatanngutigiit oqalliseqataanissaminnut maannangaaq piareersalereersinnaapput.
”Kalaallit pualasuujupput, atisarluttuullutillu”, ilanngunneqarsimasut ilaat taamatut nipeqartoq Nukaaka Coster-Waldauip isummerfigisassaasa ilagaat.
Oqallisissiamut tusarnaartartut ilanngussaasa ilaat aamma nuannersortaqarput:
- Isumaqarpunga aallakaatitassiaq tamarmi kanngunarsaataasoq. Uanga nammineerlunga Kalaallit Nunaani, illoqarfinni nunaqarfinnilu amerlasuuni sulinikuuvunga. Misigisaq nuannersuuvoq nunalu najoruminartuulluni, atuartartut ilaat taama tusarliussaqarpoq.
Taamaasilluni oqallinneq uummaarissoq Fordomsfrekvensen, qallunaat Kalallinut siumut isiginnittaasiannik imalik, arfininngorpat qallunaat nalunaaqutaat malillugu marluniit q sisamap tungaanut aallakaatinneqalerpat tusagassaajumaarpoq.
