Futsal-landsholdet holder møde

Nordic Futsal Cup KAK-p siulittaasua annertuumik naatsorsuuteqanngilaq

Nunatta Nordic Futsal Cuppimi, Norgemi ulluni makkunani pisumi, peqataanerani ujaminnannissaq siunertaanngitsoq Nunatsinni arsaattartut kattuffianni KAK-mi siulittaasoq John Thorsen oqarpoq.

Nordic Futsal Cuppimi pissartat Finlandimeersut ullumi pingasunngornermi Kalaallit unammissavaat. 2016-imi Nunarput Finlandimut 6-4-mik ajorsarnikuuvoq. 

Naak Nunatsinni futsalimik unammisartut pikkorinnersaat ilaat, soorlu, Ari Hermann, Kaassannguaq Zeeb, Hans-Karl Berthelsen aamma Markus Jensen, Nordic Cuppimut unammiaqataagaluartut Nunatta unammisartui annertuumik angusaqarnissaat KAK-mit naatsorsuutigineqanngilaq, unammisartulli sapinngisartik tamaat takutitsinissaat taamaallaat naatsorsuutaalluni. 

- Unammisartut qilanaarput, pissangallutik pissamaarlutillu. Taamaakkaluartoq puigussanngilarput; nunat unammisassaat ilaatigut ulluinnarni unammisartutut misilittagalerujussuarnik unammisartoqarput. Taamaammat arlaatigut inorsalaassagaluarutta tupigissanngilarput, John Thorsen KNR-imut oqarpoq.   

Taamaakkaluartoq Nunatta unammisartui unamminerni aggersuni takutitsilluartarnissaat qularinngilaa. 

- Unammisartut tunniusimaqaat sungiusarluarnikuullutillu. Tamanna nuannaarutigaara tulluusimaarutigalugulu. Qularnanngitsumik ulluni tulliuttuni nuannaarutissittarumaarpaatigut, John Thorsen oqarpoq. 

Kalaallit nalunaaqutaq pingasunut Finlandimut unammilerpata KNR1-kkut toqqaannartumik isiginnaartoqarsinnaavoq. 

AAMMA ATUARUK Nunarput sinnerlugu unammisussat takukkit

Unammisartut Nordic Futsal Cuppimi peqataasut ukuupput: 
Måliniittut:
1 Malik Mikaelsen
2 Malik Hermarij
Arsartut: 
1 Hans Karl Berthelsen
2 Kaassannguaq Zeeb
3 John Ludvig Broberg
4 Maasi Maqe
5 Frederik Funch
6 Kuluk Ezekiassen
7 Ari Hermann
8 Markus Jensen
9 Niklas Thorleifsen
10 Morten Fleischer
11 Malik Juhl
12 Søren Kreutzmann
13 Philip Holmene
14 Kunuuteeraq Isaksen
15 Karsten M. Andersen
16 Bastian Rosing

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!