Assi: Nils Baum, Bureau for Inatsisartut

Kúkop allamik parteeqalernera Sermersuumi suleqatigiinnut sunniuteqassanngitsoq

Mala Høy Kúkop Atassummit Siumumut nuunnerata kingorna isumaqatigiissutip allanngortinnissaa kommunalbestyrelsimi partiit suleqatigiit pisariaqarsorinngilaat.

Atassut Kommuneqarfik Sermersuumi ataatsimik ilaasortaatitaqarluni suleqatigiit peqataaffigai. Mala Høy Kúkolli Atassummit ilaasortaajunnaarluni Siumumi ilaasortanngorneratigut Ilaasortaatitaq taanna Siumumut sapaatit akunnerata siuliani aamma nuuppoq.

Sermersuumi kommunalbestyrelsimi suleqatigiit ilaasortaatitamik ataatsimik taamaalillutik aamma annaasaqarput. Sunniuteqarnavianngitsorli, Inuit Ataqatigiinnit Demokraatiniillu oqaatigineqarpoq.

- Mala Høy Kúkop partiimut allamut nuunnera pissutigalugu apriilimi politikkikkut isumaqatigiissutigisatta
allanngortinnissaa pisariaqanngilaq. Inuit Ataqatigiit aamma Demokraatit ullumikkut taamanisulli isumaqatigiissutip
oqaasertai tamakkiisumik tunuliaqutserpaat. Kommunimut tamarmut anguniakkat annertuut arlallit imarivai,
taakkualu piviusunngortinnissaat tamatta siunniusimavarput.

Borgmester Asii Chemnitz Narupip Kúkop partiimut allamut nuunnera aamma  sunniuteqassannginnerarpaa.

- Upernaaq qineqqusaarnitsinni ersarissunik siunnersuuteqarnissaq pingaartipparput, Demokraatillu peqatigalugit
siunissamut isigisumik, annertuumik anguniagaqarluartumillu Kommuneqarfik Sermersuumi ukiuni aggersuni
politikkikkut sulinissaq najoqqutassiorparput. Suliaq tamanna unigani ingerlaannaassaaq, borgmesteri taama oqarpoq.

Mala Høy Kúkop partiimut allamut nuunneratigut partiit suleqatigiit  kommunalbestyrelsimi ilaasortaatitaat 19-iusunit 12-inngorput.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!