Københavnimi Kalaallit Illutaanni iperaatarnermik ilinniartitsilersut
Nunatsinni qimminik qimuttoqarfiusuni meeqqat mikinerminiilli ujaraaqqat qillertuusalluunniit eqqorniaqattaarlugit iperaaatap atornissanik sungiusartinneqartarput.
Kalaallit Illuutaanni Løvstrædemiittumi ualeru nalunaaqutaq tallimanut aamma assingusumik pisoqassaaq.
Iperaataq qimussersup qimmimi aqunnissaanut sakkuisa pingaarnersaraat. Iperaataq atorluarlugu, qimmillu suaartarlugit iperaatallu seqqortinneratigut qimmit sukataartinneqartarput sumullu ingerlanissaat aqunneqartarluni.
Naggueqatigiit Inuit periusaat immikkuullarissoq paasisaqarfigerusukkaanni, taava qimussertartoq Uummannarmiu Marius Løvstrøm ilitsersuisoralugu iperaatamik misilittaajartortoqarsinnaavoq.
Misilittaasoqareerpallu atuakkanik pinnattaassaqartitsilluni aamma unammisitsisoqassaaq.
Silarlussagaluarpat aaqqissuussineq cafemi ingerlanneqassaaq.
Neriunniarta taama pisoqassappat illup iluani pisattanik iperaatamik eqquisorpallaassanngitsoq.
