Assi: GBU

Kâgssagssuk utoqqatsertoq

Futsalimik nunatsinni pissartanngorniunnerit Maniitsumi ingerlanneqarnerisa nalaanni sapaatiummat tujortuminartumik pisut, tassalu isiginnaartut ataasiakkaat B-67-ip sungiusaasuanut arsaattartunullu danskisut oqaasilinnut sakkortuumik ammillu qalipaataa tunngavigalugu nikassaalluni suaartartoqarsimanera, timersoqatigiiffiup aaqqissuisuusup Kâgssagssuup utoqqatsissutigaa.

- Kagssagssuup arsarnermi immikkoortortaqarfia sinnerlugu aaqqissuisutut utoqqatsissut. Ajuusaarutigalugu Kagssagssuup arsarnermi immikkoortotaqarfia sinnerlugu tusagassiutinut nalunaarut nassiuttariaqarsimavarput, timersoqatigiiffiup siulittaasuisuini ilaasortaq Niels Rosing taama allappoq.

- Tupaallaqaagut aaqqissuisutut nutaarsiassaq aalassatitsisoq pissusilersuutaasimasut oqaatsillu sakkortuut atorneqarsimanerinut.

- Aaqqissuisutut suliap pitsaanerpaamik aallartinneranit naammassinissaata tungaanut ilungersorluta sulinerput allaanngilaq asuli sulisimasutut nalilerneqaatigigipput, tamanna aaqqissuisuulluni nikalluallannarpoq, Niels Rosing taama allappoq, naggasiutigalugulu ammip qalipaataa tunngavigalugu suaartarneqarsimasunut ima allalluni:

- Siulersuisunit utoqqatsissutigaarput taamatut pisoqarsimammat, neriuppugut siunissami taama pisoqaqqissanngitsoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!