Justus Hansen Demokraatini partii tulliatut qinerneqarpoq
Justus Hansen Demokraatini partii tulliatut qinerneqarpoq. Naak Justus Hansen siulittaasussatut qinerneqanngikkaluartoq, tassunga ulloq nuannersuuvoq siulittaasup tulliatut qinerneqarmat.
Justus Hansen immikkut ittumi ataatsimeersuanermi peqataasinnaasimanngilaq, ilaquttami napparsimasoqarnera peqqutigalugu.Randi Vestergaard Evalsen qulingiluanit taaguunneqarpoq, Justus Hansen pingasunit taaguunnaeqarluni. Poul Hansen taaneqanngitsoq.
Justus Hansenip siulittaasutut qinerneqanngikkuni siulittaasup tullianngornissani neriuutigisimavaa. Tamannalu piviusunngorpoq. Nivi Olsen siulittaasup tullianik aaqqissuussaanermut akisussaasussatut qinerneqarpoq.
Siulersuisuunertut qinerneqartut tassaapput Gerda Vilhom, Rasmus Andersen kiisalu Ane Lone Bagger.
Sinniisussatut qinerneqartut tassaapput Ib Hansen, Karl Peter Herlufsen, Stine Lange kiisalu Esben Christensen