Justin Trudeau Canadas premierministerAssi: © Office of the Prime Minister (2015)

Naalagaaffiit Peqatigiit: Justin Trudeau nunap inoqqaavinut utoqqatserpoq

Canadap ministeriunerunera Justin Trudeau, Naalagaaffiit Peqatigiit ataatsimeersuarneranni uissuumminartumik sisamanngormat oqalugiarpoq. Trudeaumi nunap inoqqaavinut tassani utoqqatsissuteqarpoq.

Naggueqatiigit Inuit, indianerit metisillu nunasiaateqarnerup nalaani kanngunarsagaallutillu, atornerlunneqarlutillu sumiginnagaasimasut, sulilu taama misigisimasut, Justin Trudeaup Naalagaaffiit Peqatigiit oqaluttarfiannit ilaatigut oqaatigaa.

Nunammi inoqqaavisa nunaliussaasa ilaanni imermik eqqiluitsumik suli pilersuisoqanngitsorluunniit Trudeap oqaatigaa.

Nunap inoqqaavisa meeraasa atuarfinni nerisaqarfiullutillu ineqarfiusuni misigisarsimasaasa kingunerlutsitsisimanerat Trudeap ilaatigut eqqartorpai.

Imminut toquttarnerup nunap inoqqaavisa inuusuttaasa akornanni suli ajornartorsiutaanera Trudeap tikkuarpaa, soorlu aamma inuusuttut najugaqarfitsik qimallugu ilaatigut ungasissumukarlutik ilinniariartarnerat suli aamma ajornartorsiutaasinnaasoq.

Canada ungasissorsuanngitsukkut aatsaat naalagaaffinngormat nunasiaateqarsimanerup nalaani ajornartorsiutit imaaliallaannarlugit aaqqiivigineqarsinnaanngikkallartut Trudeap erseqqissaatigaa, saammaasseqatigiinnissarli pillugu suliaq aallartinneqareersoq, Canadallu Naalagaaffiit Peqatigiit nunap inoqqaavi pillugit aalajangersagaannik akuersisimasoq.

Naak Justin Trudeaup oqalugiaataa uissuumminartortaqaraluartoq aamma isornartorsiorneqarpoq, USA-mmi præsidentia Donald Trump Korea Avannarlerlu taaneqanngimmataluunniit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!