Jonas Nilsson (A)
43-inik ukiulik Nuumminngaanneersoq. Suliffeqarfimmik aallarnisaasoq, namminersorluni inuussutissarsiuteqartoq, elektronikmekanikeritut ilinniarsimasoq, sakkutuut ingeniørinngorniat ilinniarfianni ilinniarsimasoq, sakkutuut sergentit nuna tamakkerlugu oqaaseqartartorisimasaat. Inatsisartuni sinniisussaasimasoq.
Atassutip erseqqissarnikuuaa Lars Løkke Rasmussen partiialu Venstre tapersersorniarlugu.
Allattoq Malu Pedersen
juunip 05-at 2015 14:54
Politikkikkut suliniutiginiakkat:
- Naalagaaffeqarigiinnermi pisortat ingerlatsiviini suliffeqarfiutaannilu sulisut nunaqavissut tikisitallu akornanni akissarsiat sulinermilu atugassat assigiisinneqalernissaat
- Periarfissaqartillugu Naalagaaffeqarigiinnermi pisortat ingerlatsiviini suliffeqarfiutaannilu kiffartuussinerit sumiiffimmi suliffeqarfiit aqqutigalugit isumagineqartalernissaat
- Atlanitikup avannaamiut Folketingimi ilaasortat sisamaasut nunanut allanut tunngatillugu ataatsimiittartoqatigiinni, illersornissamut ataatsimiititaliami, inatsisit atortinneqarnerat pillugu ataatsimiititaliami aammalu Kalaallit Nunaat Savalimmiullu pillugit ataatsimiititaliani aalajangersimasumik inissaqartitaalernissaat
- Kalaaqativut Kalaallit Nunaanniit Danmarkimut nuuttartut qanimut malinnaaffigineqarnissaat
- Inatsisitigut suliaqarnerit ataatsimut isigalugit malinnaaffigeqqissaarneqarnissaat