Johan Lund Olsen (IA)
Københavnimi apriilip 13-iani 1958-imi inunngorpoq. Isumaginninnermi siunnersortitut ilinniagaqarpoq. Sara Olsvigimut sinniisuulluni 2014-imiilli Folketingimut ilaasortaavoq.
Allattoq Aaqqissuisoqarfik
juunip 02-at 2015 15:43
1989-imit 1993-imut Sisimiuni kommunalbestyrelsimut ilaasortaq. Kalaallit namminersorneq pillugu isumalioqatigiissitaanni 2000-imit 2003-mut ilaasortaq. Attaveqarnermut, Ineqarnermut Avatangiisinullu naalakkersuisoq, 2003. Inuussutissarsiornermut, Nunalerinermut Suliffeqarnermullu naalakkersuisut, 2003-2006. Danskit kalaallillu namminersorneq pillugu isumalioqatigiissitaanni ilaasortaq, 2006-2008.
Politikkikkut anguniagai:
- Danmarkimi kalaaleqatitta inuttut pisinnaatitaaffii illersorneqassapput danskisullu innuttassuseqartutut isumassorneqassapput.
- Nunanut allanut tunngasutigut aammalu illersornissakkut aalajangeeqataassaagut.
- Nunatsinnit tunisassiaativut, soorlu puisit amiisa niuerfinnit mattunniarneqarnerat akuersaassanngilarput akiussallugulu.
IA-p qineqqusaarutai uani atuarneqarsinnaapput.
Johan Lund Olsenip Facebookikkut aamma Twitterikkut nittartagaa takuuk.
