Jess Svane: Sulisut akisussaaffimmik annermik tigusisinnaapput

Avannaata kommunissaani allaffissornikkut allanngortiterinissami sulisut suliffimminniiiginnassapput, taamaattorli sulisooreersut ilaasa piginnaaneri aallaavigalugit akisussaaffinnik annerusunik neqeroorfigineqarnissaat siunertaavoq.
Allattoq Louise M. Kleemann
maajip 07-at 2008 12:56

Kommunini arfineq pingasuni sulisoqassutsikkut sulisunillu qaffasissuseq taavalu amerlassutsit nalilersoqqissaarneqartussaasut avannaani ikaarsaariarnermi ataatsimiititaliami siulitaasoq Jess Svane oqarpoq.

- Inuit pikkorissut kommuneqarfinni arfineq-pingasuni siammaqqapput, immaqalu ilai ima pikkorissuseqartigipput akisussaaffimmik annerusumik immaqaluunniit sulianik allaanerusunik tigusisinnaanermik piginnaasaqarlutik, Jess Svane oqarpoq.

Sulisummi qanoq isumaqarpat?

- Akisussaaffiit annertunerusut tunniunneqarpata sulisut amerlassusaat aammattaaq naleqqussarneqartariaqarput, sulisummi ikippallaarpata suliaq pitsaanerpaaq angusinnaanngilarput, taama oqarpoq Paaviaaraq Aasiaat kommuneani inuussutissarsiornermut ineriartortitsinermullu pisortaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq