Jens B Frederiksen: Aningaasanut inatsit oqimaaqatigiissaaq

Demokraatineersut 2010-mi Aningaasanut inatsisissamik attanneqarsinnaasumik piareersaanissaq pingaarluinnarpoq.

- Siusinnerusukkut Aningaasanut inatsisaasumit allaanerussutaassaaq Aningaasanut Inatsisissami 2010-imut tunngasumi aningaasartuutit isertitallu oqimaaqatigiissinnissaat. Maannamut takusareerparput Aningaasanut inatsit amingartoorujussuarfiusumik ingerlasoq. Maannalu uanga neriorsuutigissavara pissutsit taamaattut ullumimiit qaangiutissammata. Tamatumalu nassatarisussaassavaa, pimoorussisumik aningaasarsiorfiusinnaasunik nassaarniarnissaq saniatigullu ingerlatsinermi aningaasartuutikillisaanissaq, Jens B. Frederiksen oqarpoq nangillunilu:

- Erseqqissaatigilaarlara oqannginnama suliat oqitsuinnaassasut. Maannakkut uani tallimanngorpat ikinngitsunik aningaasaliinissaq isumagisussaavarput (Royal Greenland pillugu allaaserisaq atuaruk). Nutaamik eqqarsarluta aallartittariaqarpugut. Akileraarutitigut isertitat amerliniassammata suliffissaaleqisut amerlanerpaat sulilersittariaqarpagut. Tamatumalu malitsigisussaavaa ilaatigut pisortanit pisartakkat misissornissaat sukkullu apparsarneqarsinnaanersut siunnersuusiorfigalugit. Aamma nunap piinut akileraarutit atuutilersinneqarsinnaanerat eqqarsaatersuutigaarput, Jens B. Frederiksen Ineqarnermut, Attaveqarnermut Angallannermullu Naalakkersuisunut ilaasortanngortoq oqarpoq.

Jens B. Frederiksenip ilanngullugu oqaatigaa, akileraarneq pillugu kommisionissamut siunnersuutit ingerlanneqassasut, taakkulu ilimanarput aatsaat 2010-ip ingerlanerani suniuteqalerumaartut. Taamaattumik siulliutillugu pingaarnertut Aningaasanut inatsisissaq pimoorunneqassasoq Jens B. Frederiksenip oqaatigaa.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!