Jakob Janussen ataqqinaammik dotorinngortinneqartoq

Ilisimatusarfik ukiumoortumik ullumi persuarsiutigineqartumik nalliutorsiorpoq. Ph.d-nngortut marluk allagartartaarput ataqqinaammillu dotorinngortitsisoqarluni. 

Ataqqinaasiinermi Jakob Janussen ukioq manna toqqarneqarpoq. 
Jakob Janussen Namminersornerullutik Oqartussani pisortaasimavoq, Namminersorneq Pillugu Ataatsimiititaliarsuarmi siulittaasuusimalluni aammalu kalaallit qallunaallu Namminersorneq Pillugu Ataatsimiititaliarsuata allattoqarfiani pisortaasimalluni. 

Jakob Janussenilu ukiorpassuarni inuiaqatigiinni oqalliseqataasarsimavoq taamatullu suliaqarnermigut Kalaallit Nunaanni inuiaqatigiit ineriartornerannut annertuunik tunniussaqartarsimalluni. 

Jakob Janussenip inuiaqatigiit kalaallit akornanni pingaaruteqartumik qaammarsaanermut ilinniartitsinermut, politikkikkut sulinissamik ilusilersuinermi aammalu Namminersornerullutik Oqartussat ulluinnarni allaffissornikkut sullinneqarnerannut atatillugu suliarpassui tunngavigalugit matumani Ilisimatusarfimmi ataqqinaammik doktorinngortinneqarpoq. 

Nalliuttorsiornermittaaq Ph.d.-nngornermi uppernarsaasiissutit marluk
rektoriugallartup Suzanne Møller-ip tunniuppai. 

Andreas Møller Jørgensen allagartartaarpoq soraarummeerutini:   The Power Inherent in E-Democracy: Greenlandic Experiences, Practices, and Visions tunngavigalugu. 

Aappaattut Ann Eileen Lennert pappialartaarpoq soraarummeerutini:  A Millennium of Changing Environments in the Godthåbsfjord, West Greenland - Bridging cultures of knowledge tunngavigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!