Ivigaaraasanik arsaattarfik siullerpaaq Qaqortumi piareerpoq
Nunatsinni ivigaaraasanik arsaattarfik siullerpaaq Qaqortumi maanna naammassivoq atorneqarnissaminullu piareerluni.
Allattoq Elisa Isaksen
Angisuumik aaqqissuussinikkut arsaattarfik septembarip 19-anni pisortatigoortumik atoqqaartinneqassaaq, atoqqaartitsinermilu qaaqqusat Nunatsinneersut Nnattalu avataaneersut peqataassapput. Meeqqallu arsaqattaarnissaat pilersaarutigineqarpoq.
Ivigaaraasanik arsaattarfik arsaattarfitoqqami pilersinneqartoq nunani tamalaani arsaannermik kattuffissuup FIFA-p 2,5 millionit koruuninik tapiissuteqarneratigut piviusunngortinneqarpoq.
Ivigaaraasanik arsaattarfiup Qaqortumi inissinneqarneranut, ukiukkut sivisuumik aputeqartannginnera pissutaatinneqarpoq.