Ivalo aamma Minik atualertut
Prinsesse Josephine aamma prins Vincent - aamma Ivalumik Minimmillu kalaallisut ateqartut Københavnip avannaani Hellerupimi kommunip atuarfiutaani Tranegårdsskolemi marlunngornermi atualeqqaarput.
Qatanngutaat angajulliit Prins Christian aamma Prinsesse Isabella tassani aamma atuartuupput.
Naallu marlulissat ataatsimoortuaannarsimagaluarlutik siunissami akunnerni arlinni avissaaqqasassapput. Angajoqqaavisami kissaatigisimavaat klassini immikkoorlutik atuartassasut.
AAMMA ATUARUK Prins Minik og Prinsesse Ivalo
- Uagut nammineq naliliineraarput. Anitsiaraangamik angerlarsimaffitsinnilu ikinngutigiinnerpaapput, taamaattumik isumaqarpugut nutaanik ikinngutitaartorneq peqqinnartuusoq, kunngissaq Frederik TV2 naapertorlugu taama oqarpoq.
Marlulissat atualernissaminnut qilanaarpasittut, kronprinsesse Mary nassuerpoq ulloq nuannerlunilu tussunngunartuusoq.
- Ulloq nuannerpoq alianalaarlunilu. Arnaat artorsalaarpoq. Isumaqarpunga tamaviaarnartoq kingulliit atualersut takullugit, alliartorput ineriartorlutillu, Mary TV2 -mut oqarpoq.
Kunngikkormiut marluliaataat 2011-imi januaarip arfineq aappaanni ingunngorput ateqarlutillu Prinsesse Josephine Sophia Ivalo Mathilda og Prins Vincent Frederik Minik Alexander.