Ittoqqortoormiit aqqutiginnerulaalerput
Tamanna innuttaasunit nuannaarutigineqarpoq, aqqusinniornerlu ukiunik pingasunik sivisussuseqassaaq.
Ittoqqortoormiini innuttaasut aqqusinertaaq angallaffigiuminartikkaat, Kommuneqarfik Sermersuumi najukkami ataatsimiititaliami ilaasortaq Gudmund Josvassen oqarpoq:
- Ajunngeqaaq, aamma maninneroqaaq. Iluaqutaavoq, soorlu utoqqarnik rullestolertunik kaassuaaneq oqinnerulerpoq.
AAMMA ATUARUK Ittoqqortoormiini oqaluffik ueriartortoq
Kommuneqarfik Sermersooq nunatta kitaani aqqusinniornissamut katillugit 6 millionit koruuninik aningaasaliivoq. Ukiumut meterinik 500-nik ukiut pingasut ingerlanerini aqqusinniortoqartassaaq.
Aqqusinerlu silarluttarnerani iluaqutaaleqisoq, ataatsimiititaliami ilaasortaq, aqqusernup periarfissiilluarnissaanut neriuuteqartoq oqarpoq:
- Manissarneqanngikkallarmat, soorlu siallersimagaangat, maninngivittarami. Taava maannakkut manittupilussuuvoq, siallersimagaluarpalluunniit, Gudmund Josvassen oqarpoq.