Ittoqqortoormiini ukiakkut aatsaat taama nittaatsigalunilu siallertigisoq

Ittoqqortoormiini ukiut kingulliit sisamat ingerlanneranni ukiakkut nalinginnaasumit aatsaat taamak nittaatsigalunilu siallertigisarpoq.
Asseq toqqorsivimmit Assi © : Peter Bye Andersen/Andreas Østergaard/KNR
decembarip 11-at 2017 11:55
Nutserisoq Jaaku Lyberth

Danmarkimi silasiorfik DMI taama allaaserisaqarpoq.

Silap qanoq innera nalinginnaasoq ukioq 1981-miit 2010-p tungaanut nalunaarsorneqarpoq,   
nalunaarsorneqartullu naapertorlugit, ukiut sisamat kinngulliit ingerlaneranni nalinginnaasumit aatsaat taama nitaatsigalunilu siallertigaaq aamma aatsaat taama kiatsigaluni,  Danmarkimi silasiorfimmi DMI-mi silap pissusaa pillugu ilisimatooq  John Cappelen taama oqarpoq.

Ukiuni kingullerni ukiakkut silaannaq kissartoq Kalaallit Nunaata tunua atuarlugu avannamut ingerlaartarsimavoq.

Taamaattummik siallertarnera nittaattarneralu ukiuni kingullerni ingasanneruvoq.

AAMMA ATUARUK Silamik rekordileeqqittoqartoq

Ittoqqortoormiini ukiakkut kingullermik annertuumik siallerpoq 1970-ikkunni.

Nalinginnaasumik issittarneraniit kingullermik issinneruvoq ukioq 2009-mi, taava Ittoqqortoormiini
ukiut kingulliit marluk ingerlaneranni  agguaqatigiissillugu nalinginnaasumik kiattarnerannnit sisamat missiliorlugit kiannerusarluni.

AAMMA ATUARUK Ittoqqortoormiini pisarnermit siallernerusoq

- Nittaallunilu siallanerusarnera aamma kiannerusarnera Ittoqqortoormiini malunnarnerujussuuvoq,
kisianni aamma tunumi silasiorfinni allani tamanna aamma takuneqarsinnaavoq, John Cappelen oqarpoq.

Silap pissusaa pillugu ilisimatuup, tunumi nittaannerullunilu siallernerusarnera aamma kiatsinnerunera ingerlaannassanersoq siulittuutigisinnaanngilaa.