Assi: Thor Edvarsen/Flickr Creative Commons

Ittoqqortoormiini pisarnermit siallernerusoq

- Ittoqqortoormiini ukioq manna septembarimi oktobarimilu siallerujussuarnera immikkut eqqaamaneqassaaq. Aatsaammi taama siallertigivoq, DMI nittartakkamini allaaserisaqarpoq.

Ittoqqortoormiini aggustimi siallersimanngeriarluni septembarimi oktobarimilu aatsaat taama siallertigivoq. 

Septembarimi siallernerani sialuk 220,1 millimeterimut uuttortarneqarpoq, tassalu 1950-imi nalunaarsuisoqartalermalli aatsaat taama siallertigaluni. 

Danmarkimut sanilliutissagaanni oqaatigineqarsinnaavoq Danmarkimi nuna tamakkerlugu septembarimi sialuk 108,8 millimeterimut uutortarneqarsimasoq. 

Pisarnermit siallernerusoq

Ittoqqortoormiini septembarimi siallertarnera agguaqatigiissillugu 49,7 milimeterisut uutortarneqarpoq, tassalu sialussuallarmat nalinginnaasumit 170,4 millimeterinik annertunerusumik siallerpoq. 

Oktobarimi aamma siallersimaqaaq, tassanili siallernerpaaffittut uuttortarneqarsimasut "pingajuinnaraat".

Tassa imaappoq; qaammatini marlunni sialuk 351,7 milimeterisut uuttortarneqarpoq. 

Ittoqqortoormiit nalinginnaasumik ukiumut 387,5 millimeterisut annertutigisumik siallertarpoq. Allatut oqaatigalugu qaammatini marlunni sialuk ukiup ataatsip siallertarneratut annertutigingajappoq. 

ITTOQQORTOORMIIT

Qaammat

Sialuk (mm)

Nalinginnaasoq (mm)

Allannguut (mm)

Septembari

220,1

49,7

+170,4

Oktobari

131,6

31,4

+100,2

Najoqqutarisaq: DMI.dk

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!